කතරගම දේවාලය වන්දනා කිරීම සඳහා උතුරු සහ නැගෙනහිර පළාත්වල සිට පා ගමනින් පැමිණෙන බැතිමතුන් හට සංග්‍රහ කටයුතු සහ අවශ්‍ය පහසුකම් සැලසීමට නාවික හමුදාව පියවර ගෙන ඇත.

මත්ද්‍රව්‍ය උවදුර හා මත්ද්‍රව්‍ය නිවාරණය පිළිබඳව නාවික හමුදා පුද්ගලයින් දැනුවත් කිරීමේ වැඩසටහන් මාලාවේ තවත් එක් වැඩසටහනක් අද (ජුනි 27) කොළඹ, ශ්‍රී ලංකා නාවික නෞකා පරාක්‍රම ආයතනයේ අද්මිරාල් සෝමතිලක දිසානායක ශ්‍රවණාගාරයේදී පැවැත්විණි.

නාවික හමුදා පුද්ගලයින් පිරිසක් විසින් 2019 ජුනි 27 වන දින පුල්මුඩේ, කෝකිලායි කළපුවේ මෝය කට ප්‍රදේශයේදී පුපුරණ ද්‍රව්‍ය යොදා මසුන් ඇල්ලීමට උත්සහ කළ පුද්ගලයින් පස්දෙනෙකු (05) අත්අඩංගුවට ගෙන ඇත.

වෘත්තිමය සෞඛ්‍ය ආරක්‍ෂාව සම්බන්ධයෙන් නාවික හමුදා පුද්ගලයින් දැනුවත් කිරීමේ වැඩසටහනක් 2019 ජුනි 27 වන දින ශ්‍රී ලංකා නාවික නෞකා පරාක්‍රම ආයතනයේ අද්මිරාල් සෝමතිලක දිසානායක ශ්‍රවණාගාරයේදී පැවැත්විණි.

නාවික හමුදා පුද්ගලයින් පිරිසක් විසින් 2019 ජූනි 26 වන දින මන්නාරම, ඕලුතුඩුවායි වෙරළ තීරයේදී බීඩිකොළ කිලෝග්‍රෑම් 1689.6 ක් සමඟ පුද්ගලයෙකු අත්අඩංගුවට ගෙන ඇත.

නීති විරෝධී ලෙස ශ්‍රී ලංකාවට අයත් මුහුදු සීමාවේ ධීවර කටයුතුවල නිරත වූ ඉන්දීය ධීවරයින් සිව්දෙනෙකු (04) සහ ඔවුන්ට අයත් ට්‍රෝලර් යාත්‍රාවක් 2019 ජුනි 26 වන දින නාවික හමුදා භාරයට ගන්නා ලදී.

නීති විරෝධී ලෙස මුහුදු මාර්ග ඔස්සේ ඉන්දීයාවේ සිට මෙරටට පැමිණිමට උත්සහ කළ ශ්‍රීලාංකීක පුද්ගලයින් තිදෙනෙකු 2019 ජුනි 26 වන දින නාවික හමුදා භාරයට ගන්නා ලදී.

නාවික හමුදා පුද්ගලයින් පිරිසක් විසින් 2019 ජුනි 26 වන දින මුලතිව්, කොක්කුතුඩුවායි ප්‍රදේශයේදි මසුන් ඇල්ලීමට යොදා ගන්නා තහනම් ධීවර දැලක් සමඟින් ඩිංගි යාත්‍රාවක් සොයා ගෙන ඇත.

නාවික හමුදා පුද්ගලයින් පිරිසක් විසින් 2019 ජුනි මස 25 වන දින මන්නාරම, සනි විලේජ් ප්‍රදේශයේ සිදු කළ සෝදිසි කිරීමකදි බීඩි කොළ කිලෝග්‍රෑම් 20.7 ක් සොයා ගෙන ඇත.

නාවික හමුදා පුද්ගලයින් පිරිසක් විසින් 2019 ජුනි 26 වන දින අළුයම තලෙයිමන්නාරම, කහටස් පත්තිරි ප්‍රදේශයේ අතහැර දමා ගොස් තිබූ කේරළ ගංජා කිලෝග්‍රෑම් 18.9 ක් සමඟ ඩිංගි යාත්‍රාවක් සොයා ගෙන ඇත.