නාවික හමුදාව සහ පොලිසිය එක්ව අද (2020 පෙබරවාරි 06) කුච්චවේලි ප්‍රදේශයේ සිදු කළ මෙහෙයුමක් අතරතුර කේරළ ගංජා ග්‍රෑම් 56 කට ආසන්න ප්‍රමාණයක් සමග පුද්ගලයෙකු අත්අඩංගුවට ගැනීමට සමත්ව ඇත.

72 නිදහස් දින උළෙලට සමගාමිව ශ්‍රී ලංකා නාවික හමුදාව විසින් රුක්රෝපණ වැඩසටහන් මාලාවක් 2020 පෙබරවාරි මස 04 වන දින ක්‍රියාත්මක කරන ලදී.

නාවික හමුදාව විසින් අද (2020 පෙබරවාරි 06 ) උඩප්පුව හා දළුව මුහුදු ප්‍රදේශයේ සිදු කළ සෝදිසි මෙහෙයුමකදී හක් බෙල්ලන් හතරක් (04) සමග සැකකරුවන් දෙදෙනෙක් (02) නාවික හමුදා ‍භාරයට ගන්නා ලදි.

වැලිසර පිහිටි ශ්‍රි ලංකා නාවික නෞකා ගැමුණු ආයතනයේ අභිනවයෙන් ඉදි කරන ලද නාවික විවාහක නිවාස සංකිර්ණය අද (2020 පෙබරවාරි 06) නාවික හමුදාධිපති, වයිස් අද්මිරාල් පියල් ද සිල්වා අතින් විවෘත කරන ලදී. ජ්‍යෙෂ්ඨ නාවිකයින් සඳහා ඉදිකරන ලද මෙම නිවාස සංකිර්ණය නිවාස 08 කින් යුක්ත වන අතර, නවීන පහසුකම්වලින් සහ නිවසකට අවශ්‍ය සියළු උපකරණවලින් සමන්විත වේ.

නාවික හමුදාව විසින් අද (2020 පෙබරවාරි 06) බහුදින ධීවර යාත්‍රාවක අනතුරකට පත්ව සිටි ධීවරයෙකු (01) නිරුපද්‍රිතව ගොඩබිමට රැගෙන ඒමට කටයුතු කරන ලදි.

ශ්‍රී ලංකාවේ නිල සංචාරයක නිරත වන එක්සත් රාජධානියේ දියත් විධාන කිමිදුම් බලඝණයේ අණදෙන නිලධාරී කොමාණ්ඩර් අල් නෙක්ක්‍රවුස් (Al Nekrews) නාවික හමුදා මූලස්ථානයේදී අද (2020 පෙබරවාරි 06) නාවික හමුදාධිපති වයිස් අද්මිරාල් පියල් ද සිල්වා හමුවිය.

නාවික හමුදාව විසින් අද (2020 පෙබරවාරි 06) ගාල්ල ගින්තොට ප්‍රදේශයේ සිදු කල සෝදිසි මෙහෙයුමකදී අතහැර දැමූ නිවසක් අසල සගවා තිබූ සැක සහිත ඩිංගි යාත්‍රාවක් සහ කිමිදුම් උපකරණ කිහිපයක් සොයා ගැනීමට හැකිවිය.

මෙම වර්ෂයේ ජනවාරි මස 01 වන දින සිට 2020 පෙබරවාරි 06 වන දින දක්වා කාල වකවානුවේදී පමණක් දිවයින වටා සිදුකරන ලද මෙහෙයුම් මගින් කේරළ ගංජා ටොන් එකකට අධික ප්‍රමාණයක් සිය භාරයට ගැනීමට නාවික හමුදාව සමත්ව ඇත.

ශ්‍රී ලංකා නාවික හමුදාව සහ සුරාබදු ඒකකය එක්ව අද (2020 පෙබරවාරි 06) දින යාපනය, තොන්ඩමන්ආරු වෙරළ තීරයේ සිදු කළ සෝදිසි මෙහෙයුමකදී කේරළ ගංජා කිලෝග්‍රෑම් 110 කට ආසන්න ප්‍රමාණයක් සමග සැකකරුවකු නාවික හමුදා භාරයට ගෙන ඇත.

ශ්‍රී ලංකා නාවික හමුදාව සහ මීගමුව පොලීසියෙන් සිදු කරන ලද ඒකාබද්ධ මෙහෙයුමකදී මීගමුව පෙරියමුල්ල ප්‍රදේශයේ නිවසක් තුල සඟවා තිබූ තූල් හෙවත් දුම් කුඩු නැමැති නීති විරෝධී මත්ද්‍රව්‍ය තොගයක් අත් අත්අඩංගුවට ගන්නා ලදි.