නාවික හමුදාව විසින් 2019 දෙසැම්බර් 18 වන දින හික්කඩුව ප්‍රදේශයට ඔබ්බෙන් වූ මුහුදු ප්‍රදේශයේදී නීති විරෝධී ලෙස මසුන් ඇල්ලූ පුද්ගලයින් දෙදෙනෙකු (02) නාවික හමුදා භාරයට ගෙන ඇත.

ශ්‍රී ලංකාවේ බංගලාදේශ මහ කොමසාරිස් කාර්යාලයේ ආරක්ෂක උපදේශක වශයෙන් කටයුතු කරනු ලබන කොමදෝරු සයිඩ් මක්සුමුල් හකීම් 2019 දෙසැම්බර් 18 වන දින දකුණු නාවික විධානයේ සංචාරයක නිරත විය.

මුහුදේදී රෝගී වූ ධීවරයෙකු වෛද්‍ය ප්‍රථිකාර සදහා ගොඩබිම වෙත රැගෙන ඒමට 2019 දෙසැම්බර් 17 වන දින ශ්‍රී ලංකා නාවික හමුදාව කටයුතු කරන ලදී.

නාවික හමුදාව සහ පොලීසිය එක්ව 2019 දෙසැම්බර් 17 වන දින ජා ඇල ප්‍රදේශයේ සිදු කළ මෙහෙයුමකදී කේරළ ගංජා ග්‍රෑම් 4 මිලිග්‍රෑම් 200 ක් සමඟ පුද්ගලයින් තිදෙනෙකු (03) අත් අඩංගුවට ගෙන ඇත.

2019 දෙසැම්බර් 17 වන දින සිලාවතුර මුහුදු ප්‍රදේශයේ සිදු කළ මුර සංචාරයක් අතරතුරදී නීතිවිරෝධී ලෙස ඩිංගි යාත්‍රාවකින් යාත්‍රා කරමින් සිටි ඉරාන ජාතිකයෙකු සහ ශ්‍රී ලාංකික ජාතිකයින් දෙදෙනෙකු (02) නාවික හමුදාව විසින් සිය භාරයට ගෙන ඇත.

ශ්‍රී ලංකා නාවික නෞකා නිපුණ ආයතනයේ පිහිටි නාවික රෝහල (දකුණ) පරිශ්‍රයේ අභිනවයෙන් ඉදි කරන ලද නව ‍රෝහල් ගොඩනැගිල්ල 2019 දෙසැම්බර් 16 වන දින නාවික හමුදාධිපති, වයිස් අද්මිරාල් පියල් ද සිල්වා විසින් විවෘත කෙරුණි.

නාවික හමුදාව සහ පොලීසිය එක්ව 2019 දෙසැම්බර් 16 වන දින සේරුනුවර ප්‍රදේශයේ සිදු කළ වැටලීමකදී වාලම්පුරි 02 ක් සමඟ පුද්ගලයින් තිදෙනෙකු (03) අත්අඩංගුවට ගෙන ඇත.

මානුෂිය මෙහෙයුමේදී ආබාධිත තත්වයට පත් රණවිරුවන්ගේ ආත්ම අභිමානය සහ ආත්ම විශ්වාසය ඉහළ නැංවීම වෙනුවෙන් නාගදීපයේ සිට කතරගම දක්වා පාද යාත්‍රාවේ ගමන් කරනු ලබන රණක්‍ෂිත යුද්ධ සහ නාවික හමුදා රණවිරුවන් දෙදෙනා හට නාවික හමුදාව සිය දායකත්වය ලබාදීමට කටයුතු කර ඇත.

රියර් අද්මිරාල් සෙනරත් විජේසුරිය 2019 දෙසැම්බර් 16 වන දින ගිණිකොන නාවික විධානය භාර ආඥාපති වශයෙන් වැඩ භාර ගන්නා ලදී.

ශ්‍රී ලංකා නිත්‍ය හා ස්වේච්ඡා නාවික හමුදාවේ 237 වන බඳවා ගැනීමට අයත් නාවිකයන් 422 දෙනෙකු සිය මුලික පුහුණුව නිමකොට 2019 දෙසැම්බර් 16 වන දින විසිර යන ලදී. පුනෑව, ශ්‍රී ලංකා නාවික නෞකා ශික්‍ෂා ආයතනයේ ප්‍රධාන සරඹ පිටියේ පැවති එම විසිරයාමේ පෙළපාලියේ ප්‍රධාන ආරාධිත අමුත්තා ලෙස බටහිර නාවික විධානය භාර ආඥාපති, රියර් අද්මිරාල් සුමිත් වීරසිංහ සහභාගී විය.