ඇමෙරිකානු නාවික හමුදා සහාය ඇතිව දකුණු නාවික විධානයට අනුයුක්ත නෞකාවක් වන ශ්‍රී ලංකා නාවික නෞකා ‘ජයසාගර’ නෞකාව මඟින් ඊයේ (ඔක්තෝබර් 09) ගාල්ල වරායට ඔබ්බෙන් වූ මුහුදු ප්‍රදේශයේදී ධීවර යාත්‍රාවක ඇතිවූ දෝශයක් හේතුවෙන් අතරමංව සිටි ධීවරයින් 7 දෙනෙකු ගොඩබිම වෙත රැගෙන ඒමට සමත් විය.

ගංවතුර හේතුවෙන් විපතට පත් ජනතාව ඉන් මුදවා ගැනීම සඳහා නාවික හමුදා සහන සැළසීමේ කණ්ඩායම් 14 ක් සහ ඩිංගි යාත්‍රා 11 ක්, හදිසි මුදවාගැනීමේ යාත්‍රා (Emergency Rescue Boat) 02 ක් මේ වන විට දකුණු සහ බස්නාහිර යන පළාත් වෙත අනුයුක්ත කර ඇත.

මේ දින වල ශ්‍රී ලංකාවට බලපා ඇති අයහපත් කාළගුණික තත්ත්වයෙන් විපතට පත් ජනතාව ඉන් මුදවා ගැනීම සඳහා ආරක්‍ෂක මාණ්ඩලික ප්‍රධානී කාර්යාලයේ උපදෙස් හා ආපදා කළමනාකරණ මධ්‍යස්ථානයේ තොරතුරු මත නාවික හමුදාව මේ වන විට දකුණු සහ බස්නාහිර පළාත් සඳහා සහන සැළසීමේ කටයුතු සිදු කරමින් සිටී.

පසුගිය දිනයන් හිදී ප්‍රදේශ කිහිපයක නීති විරෝධී කටයුතුවල නිරත වු පුද්ගලයින සිව්දෙනෙකු (04) නාවික හමුදා භාරයට පත් විය.

2018 වර්ෂය සඳහා වු ශ්‍රී ලංකා නාවික හමුදා අන්තර් විධාන බැඩ්මින්ටන් තරඟාවලිය 2018 ඔක්තෝබර් මස 01 වන දින සිට 05 වන දින දක්වා ත්‍රිකුණාමලය, නාවික හා සාගරික විද්‍යාපිඨ බැඩ්මින්ටන් ක්‍රීඩා පිටියේදි පවත්වන ලදී.

පසුගිය ඔක්තෝබර් 04 වන දින කොළඹ වරායට සේන්දු වූ චීන නාවික හමුදාවට අයත් ‘හයි යන්ග්ඩාඕ’ නෞකාව අද දින (ඔක්තෝබර් 07) සිය සිව්දින නිල සංචාරය සාර්ථක ලෙස නිමා කරමින් කොළඹ වරායෙන් පිටත් විය.

ශ්‍රී ලංකා නාවික හමුදාව සතු ශ්‍රී ලංකා නාවික නෞකා සාගර සහ ශ්‍රී ලංකා නාවික නෞකා සුරනිමිල යන නෞකාවන් ඊයේ (ඔක්තෝබර් 06) පුහුණු අභ්‍යාසයන් ඇතුලත් සුහද සංචාරයක් සඳහා කොළඹ වරායෙන් ඉන්දියාව බලා පිටත් විය.

ශ්‍රී ලංකා නාවික හමුදාව සතු නෞකා අතරින් සෑම වසරකම හොඳම නෞකාව තෝරා ගැනීමට කටයුතු කරන අතර, එහිදී, නෞකා‍වන් අතර පවත්වනු ලබන ක්‍රීඩා තරග, නාවික දැනුම, කඹ හැසිර වීම, නෞකා අතර පැවති යුධ අභ්‍යාසයන් සහ වැඩිම මුහුදු සංචාරයන් සිදු කල නෞකාව යන කරුණු පදනම් කර ගනිමින් හොඳම නෞකාව ‍නම් කිරීමට කටයුතු කරනු ලබයි.

16 වන ජාතික වුෂු තරඟාවලිය සුගතදාස ගෘහස්ථ ක්‍රීඩාංගණයෙදී පසුගිය ඔක්තෝබර් 02 වන දින සිට 04 වන දින දක්වා පැවැති අතර, ඒ සඳහා දිවයිනේ සියළු ප්‍රදේශ ආවරණය වන පරිදි වුෂු ක්‍රීඩක ක්‍රීඩිකාවන් රැසක් සහභාගී විය.

ශ්‍රී ලංකා නිත්‍ය නාවික හමුදාවේ 15 වන බඳවා ගැනීමට අයත් ශිල්පීය අංශයේ නාවිකයන් 45 දෙනෙකු සිය මුලික පුහුණුව සාර්ථකව හදාරා ඊයේ (ඔක්තෝබර් 04) විසිර යන ලදී.