අද (ජුනි 23) මුහුදේදී අනතුරට පත්වු රුසියානු ජාතිකයෙකු වෛද්‍ය ප්‍රථිකාර සදහා ගොඩබිම වෙත රැගෙන ඒමට නාවික හමුදා වේග ප්‍රහාරක මිසයිල නෞකාවක් වන ශ්‍රී ලංකා නාවික නෞකා ‘නන්දිමිත්‍ර’ නෞකාව මගින් කටයුතු කරන ලදි.

ශ්‍රී ලංකා නාවික හමුදාව සතු භාණ්ඩ ප්‍රවාහන නෞකාවක් වන ශ්‍රී ලංකා නාවික නෞකා රණවිජය නෞකාව පසුගිය ජූලි 21 සිය අභිමානවත් 24 වන සංවත්සරය සමරන ලදී.

ඟංවතුර හා අනෙකුත් ස්වභාවික ආපදා තත්ත්වයන් හීදී මුදවා ගැනීමේ මෙහෙයුම් වලදී ජිවිතාරක්‍ෂක ක්‍රම පිළිබඳව වු පුහුණු සැසියක් පසුගිය ජුලි මස 21 වන දින නාවික හමුදා විශේෂ යාත්‍රා බලඝණ, ක්‍ෂණික ක්‍රියාකාරි යාත්‍රා බලඝණ, කිමිදුම් යන අංශයන්ගේ නාවිකයින් සහ ශ්‍රිලංනානෞ වේළුසුමන ආයතනයේ නිලධාරීන් සහ නාවිකයින්ගේ සහභාගිත්වයෙන් කිලාලී කලපුවේ සංගුපිඩ්ඩි ප්‍රද්ශයේදී සාර්ථකව පැවැත්විණි.

කොළඹ, හුණුපිටිය ගංගාරාමාධිපති ආචාර්ය අතිපුජ්‍ය ගල්බොඩ සිරි ඥාණිස්සර නාහිමිපාණන්ගේ උපදෙස් පරිදි බේරේ වැව සහ ඒ අවට ඇළමාර්ග පිරිසිදු කිරීමේ වැඩසටහනක් ඊයේ (ජුලි 22) කොළඹ පුරපතිනි, රෝසි සේනානායක මැතිනියගේ ප්‍රධානත්වයෙන් සිදු කරන ලදී.

ශ්‍රී ලංකා නාවික හමුදා‍ ජලමාන විද්‍යා ඒකකයේ ප්‍රධානී වශයෙන් කටයුතු කරන රියර් අද්මිරාල් සිසිර ජයකොඩි මහතා පසුගිය ජුලි 19 වන දින ආරක්‍ෂක අමාත්‍යාංශයේදී ආරක්‍ෂක ‍ලේකම්, ජනාධිපති නිතිඥ කපිල වෛද්‍යරත්න මහතා හමු විය.

ශ්‍රී ලංකා නාවික හමුදා‍වේ ජලමාන විද්‍යා අංශයේ ප්‍රධානී වශයෙන් කටයුතු කරන රියර් අද්මිරාල් සිසිර ජයකොඩි මහතා පසුගිය 11 වන දින ආරක්‍ෂක මාණ්ඩලික ප්‍රධානී කාර්යාලයේදී ආරක්‍ෂක මාණ්ඩලික ප්‍රධානී අද්මිරාල් රවින්ද්‍ර විජේගුණරත්න මහතා හමු විය.

ත්‍රිකුණාමලය, ධීවර වරායෙන් පසුගිය ජුලි 03 වන දින ධීවර කටයුතු සඳහා පිටත්ව ගොස් තිබූ “නෙලී දුව” නැමති බහුදින ධීවර යාත්‍රාවේ සිටි ධීවරයෙකු රෝගී තත්ත්වයක් හේතුවෙන් අද (ජුලි 20) වෛද්‍ය ප්‍රථිකාර සදහා ගොඩබිම වෙත රැගෙන ඒමට ඉන්දීය වෙරළාරක්‍ෂක බලකායේ සහාය ඇතිව ශ්‍රී ලංකා නාවික හමුදාව කටයුතු කරන ලදී.

නාවික හමුදාවට ලද තොරතුරකට අනුව නීති විරෝධී ලෙස මුහුදු මාර්ග ඔස්සේ ඉන්දීයාවේ සිට මෙරටට පැමිණිමට උත්සහ කළ ශ්‍රීලාංකීක පුද්ගලයින් දෙදෙනෙකු (02) ඊයේ (ජුලි 19) නාවික හමුදා භාරයට ගෙන ඇති අතර, මෙම පුද්ගලයින් තලෙයිමන්නාරම, වැලිපර 01 ප්‍රදේශයේදී සැක කටයුතු ලෙස සිටියදී නාවික හමුදා භාරයට ගෙන ඇත.

ශ්‍රී ලංකාවේ රුසියානු සමූහාණ්ඩු තානාපති කාර්යාලයේ ආරක්ෂක උපදේශක වශයෙන් කටයුතු කර සිය රාජකාරී කාල සීමාව අවසන් වී ශ්‍රී ලංකාවෙන් නික්ම යාමට නියමිත කර්නල් දිමිත්‍රි මහයිලොව්ස්කි මහතා පසුගිය ජුලි 18 වන දින නාවික හමුදා මූලස්ථානයේදී නාවික හමුදාධිපති වයිස් අද්මිරාල් සිරිමෙවන් රණසිංහ මහතා හමු විය.

ශ්‍රී ලංකා නාවික හමුදාව සහ එක්සත් ජනපද නාවික හමුදාව එක්ව ඒකාබද්ධ පුහුණු හුවමාරු පාඨමාලා (Joint Combined Exchange Training) අභ්‍යාසය ඊයේ (ජුලි 17) ත්‍රිකුණාමලය, විශේෂ යාත්‍රා බලඝණ මූලස්ථානයේදී ආරම්භ කරන ලදී.